កម្លាំងចំរុះគណៈបញ្ជាការឯកភាពរដ្ឋបាលខណ្ឌឫស្សីកែវ ដឹកនាំដោយ លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌ នៅល្ងាចថ្ងៃទី១០ ខែមិថុនា ឆ្នាំ២០២៦នេះ បានចុះត្រួតពិនិត្យឃ្លាំងស្តុកសាច់បង្កក រួមមានដូចជាប្រហិតសាច់ក្ដាម សាច់គោ សាច់បង្កង ជាដើម ដែលទីតាំងដ៏ធំនេះស្ថិតក្នុងសង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ក្រោយសង្ស័យថា សាច់បង្កកទាំងអស់ភាគច្រើន គឺនាំចូលមកពីប្រទេសថៃ។
លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌបានឱ្យដឹងថា ឃ្លាំងខាងលើនេះត្រូវបានប្រើប្រាស់ជាកន្លែងស្តុកសាច់បង្កក ក្នុងបរិមាណច្រើនរហូតដល់រាប់សិបតោនក្នុងមួយថ្ងៃ ហើយបន្តចែកចាយទៅកាន់ទីផ្សារនានាក្នុងរាជធានីភ្នំពេញ និងបណ្តាខេត្ត។
ទីបំផុតខ្ញុំរកមុខអ្នកនាំជង្គង់មាន់ ជេីងមានពីថៃមកឃេីញហេីយ
ចំណាយពេលមួយថ្ងៃនេះ ថ្វីត្បិតតែនឿយហត់បន្តិច តែសប្បាយចិត្តណាស់ ព្រោះបានរកឃេីញជង្គង់មាន់ សាច់មាន់ក្លាសេ វេចខ្ចប់មានអក្សរថៃ ដែលលោកស្រី អ៉ឹម សុផាណារ៉ា និង ស្វាម៉ី នាំចូលមកពីប្រទេសថៃរក្សាទុកនៅឃ្លាំងចែកចាយស្ថិតនៅភូមិធ្លក សង្កាត់ គោករការ ខណ្ឌ ព្រែកព្នៅ រាជធានីភ្នំពេញ ។ តេីលោកស្រី និង ស្វាម៉ី នាំចូលតាមច្រកណា ? នេះជាសំណួរដែលមហាជនទូទាំងប្រទេសចង់ដឹងបំផុត ។ ជាពិសេសពាក់ព័ន្ធសមត្ថកិច្ចណាខ្លះ ?
ខណៈពេលនេះ សមត្ថកិច្ចនគរបាលរាធានីភ្នំពេញ និង អង្គភាពជំនាញពាក់ព័ន្ធក្រោមការសម្របសម្រួលពីតំណាងអយ្យការអមសាលាដំបូងរាជធានីភ្នំពេញ កំពុងត្រួតពិនិត្យ ឆែកឆេរ ដេីម្បីកសាងំណុំរឿងចាត់ការតាមនិតិវិធីច្បាប់ ។
